The Winter Way - Intercambio xuvenil en 2021
.jpg)
Este proxecto Erasmus+ tivo lugar no verán de 2021 entre El Bierzo e Valdeorras, onde reunimos participantes de catro países para camiñar e descubrir xuntos o Camiño de Inverno, a ruta do Camiño de Santiago que atravesa Valdeorras. Foron días de longas xornadas de sendeirismo, con visitas culturais, actividades e obradoiros sobre a experiencia da peregrinación.
Para quen?
O intercambio xuvenil reuniu a 20 mozos de catro países: España, Turquía, Romanía e Bosnia e Hercegovina (4 participantes + xefe de grupo).
Obxetivos
O obxectivo era poñer en valor o patrimonio e promocionar o turismo sostible a través do Camiño de Santiago para promover o respecto cara a outras culturas.
Onde e cando?
O proxecto desenvolveuse camiñando pola ruta do Camiño de Inverno, percorrendo 110 quilómetros a pé entre Molinaseca e Vilamartín, durante 7 días (07/07-14/07/2021).
O equipo
Os facilitadores deste intercambio foron Lucas Docampo, Julieta Fusaro e Álvaro Docampo co apoio de Alexandra Galkina.
Certificado Youthpass
Acreditación da túa participación
Ao formar parte deste proxecto, recibirás o diploma YouthPass: un certificado de educación non formal recoñecido en toda Europa que che permite describir o que fixeches e aprendiches. Ademais, pode ser unha boa forma de destacar nunha entrevista de traballo, ir á universidade ou para amosar aos teus amigos.
